Prestigjozja Forbes ka bërë një renditje të pilotëve më të paguar në Formula 1. Vendin e parë e mban Max Verstappen, me yllin e Red Bull që fitoi titullin e tretë në karrierë dhe bëri një paraqitje të shkëlqyer në pistë, teksa arrin në kuotën e 54 fitoreve, duke u bërë piloti i tretë më i mirë në histori.
70 milionë dollarë fitoi holandezi në vitin 2023, që veç pagës lidhen edhe me shpërblimet. Në vendin e dytë është britaniku i Mercedes, Lewis Hamilton. 55 milionë dollarë në sezon për Hamilton, që nuk po shfaq cilësitë e tij me njëvendëshen. Pas shtatë herë kampionit të botës renditet Fernando Alonso me 34 milionë dollarë dhe Sergio Perez (Red Bull) me 26 milionë dollarë.
Nëse bëjmë një krahasim, diferenca e pagave mes dy pilotëve të Red Bull është e madhe. Nëse Verstappen ka shtuar 70 milionë dollarë në llogari, Perez është shumë pas me 26 milionë dollarë. Një shumë më shumë se e konsiderueshme është për meksikanin.
Ndryshe nga lista e të ardhurave të Forbes për futbollin ose NBA, renditja e F1 përjashton të ardhurat nga sipërmarrjet e biznesit si sponsorizimet, duke u fokusuar vetëm në pagat dhe shpërblimet.
Meqenëse shoferët zakonisht duhet të bëjnë paraqitje në emër të ekipit të tyre dhe partnerëve të ekipit, shumica e tyre bëjnë pak përpjekje për të gjetur sponsorizime personale. Thuhet se vetëm disa prej tyre fitojnë më shumë se një milion dollarë në vit, me të ardhurat jashtë pistës, me Hamilton të vlerësuara në 10 milionë dollarë dhe Verstappen në 4 milionë dollarë.
Pagesat në F1
S.DH/ReportTv.al![](https://www.report-tv.al/template/img/antipiracynote.jpg)