Milot- Kryen parakalime të rrezikshme në “Urën e Matit”, ndëshkohen me gjobë 2 drejtues automjetesh.
Shërbimet e Policisë Rrugore të Lezhës, kanë reaguar pas publikimit të një videoje në faqen “Harta Digjitale e Aksidenteve Rrugore”, në të cilën shfaqeshin dy automjete që kryenin parakalim të rrezikshëm. Ndaj tyre u bë identifikimi i menjëhershëm dhe procedimi.
“Nga verifikimet, u identifikuan drejtuesit dhe pronarët e automjeteve, shtetasit N. Gj., banues në Milot, dhe M. P., banues në Mamurras. Në zbatim të nenit 146 të Kodit Rrugor, ata u ndëshkuan secili me masën administrative 10 000 lekë, për shkeljen e kryer”, njoftoi sot (27 maj) policia vendore.
Gjithashtu policia ndau edhe pamjet e shkeljeve të kryera nga të dyshuarit me parakalime të rrezikshme dhe shpejtësi, si dhe gjobën e vendosur.
Policia Rrugore e Lezhës falënderoi qytetarët dhe median për kontributin në evidentimin e shkeljeve të rregullave të qarkullimit rrugor, duke i ftuar që “të vijojnë të denoncojnë, pasi reagimi do të jetë i menjëhershëm, i paanshëm dhe konform ligjit”.
Komente
Popull fuks e spiju qa fituan .nëqoftëse kanë qenë duke shkaktuar aksident hajde de
Përgjigju