Ministri për Evropën dhe Punët e Jashtme, Igli Hasani ka mikpritur sot Zëvendëskryeministren për Integrimin Evropian të Moldavisë, Cristina Gherasimov.
Të dyja palët kanë nënshkruar një Memorandum Mirëkuptimi, i cili ka në fokus promovimin e bashkëpunimit të ndërsjellë dhe shkëmbimin e njohurive në integrimin evropian për të mbështetur përgatitjen e suksesshme për anëtarësimin në BE.
Të dy vendet do të bashkëpunojnë në fusha si proceset e anëtarësimit, duke përfshirë stabilizimin, asociimin dhe negociatat e anëtarësimit; shkëmbimin e njohurive dhe praktikave të negociatave ndërmjet negociatorëve dhe ekspertëve; organizimin i aktiviteteve të përbashkëta si takime, seminare dhe konferenca; forcimin e strukturave institucionale dhe kapaciteteve administrative për detyrimet e anëtarësimit në BE; promovimin e Agjendës së Gjelbër; mbështetjen e transformimit digjital, duke përfshirë sigurinë kibernetike dhe nismat e ekonomisë digjitale etj.
Gjatë takimit me znj. Gherasimov, Ministri Hasani e ka informuar për momentin më të mirë historik që Shqipëria po kalon tani në kontekstin e integrimit evropian, ndërsa palët kanë rënë dakord për intensifikimin e përpjekjeve në thellimin e bashkëpunimit dypalësh mes dy vendeve tona.
Komente
