Ministri i Brendshëm Ervin Hoxha priti sot në një takim Ambasadorin e Gjermanisë në Tiranë, Karl Bergner me të cilin bisedoi lidhur me bashkëpunimin dypalësh në fushën e sigurisë, e veçanërisht për intensifikimin e operacioneve të përbashkëta mes policive të të dy vendeve.
Ministri Hoxha theksoi se ambasadori gjerman ofroi mbështetje të plotë në bashkëpunimin policor midis dy vendeve.
Në lidhje me operacionet e përbashkëta mes dy organizatave policore, ministri e garantoi për vijimësinë dhe thellimin e bashkëpunimit në fushat me interes të përbashkët si dhe për intensifikimin e veprimeve të përbashkëta hetimore dhe operacionale mes dy policive, në luftë kundër krimit të organizuar.
"Ata biseduan gjithashtu edhe për çështje të tjera që kanë të bëjnë me marrëdhëniet mes dy vendeve, për të cilat Ministri i Brendshëm u shpreh i kënaqur nga mbështetja dhe gatishmëria për konsolidim të marrëdhënieve dypalëshe", njoftoi zyra e shtypit të ministrisë.
