Ministri i Jashtëm Iranian ka surprizuar shtatë të mëdhenjtë e globit. Mohammad Zarif ka shkuar në samitin e Biarritz, në Francë, pikërisht kur presidenti francez Macron po intensifikonte veprimet për të ulur tensionet mes Teheranit dhe Washingtonit.
Pëfaqësuesi i republikës islamike, ka shtyrë për më vonë impenjimin e tij në Azi, për të qënë në samit dhe për të kërkuar të rihap një kanal dialogu, edhe pse nuk ka patur një takim me Presidentin Trump, i cili i ka ngrirë marrëdhëniet me Iranin.
Ndërkohë Macron po kërkon të ndërmjetsojë mes konfliktit të rrezikshëm, një rol ky jo pa rreziqe.
“Diskutimet për Iranin kanë identifikuar dy pozicione. I pari, asnjë anëtar i G7-ës nuk do që Irani të ketë armë bërthamore. I dyti, të gjithë anëtarët e G7-ës janë të impenjuar për stabilitetin dhe paqen në rajon” – tha Presidenti francez.
Tramp ka hedhur poshtë çdo dyshime se i ka dhënë dikujt lejen për të negociuar me Iranin.
“Secili ka rolin e tij për të luajtur”- ka saktësuar Macron
Ndërkohë Ministri i Jashtëm Zarif, në Biarritz, të paktën nga ajo që duket, të vetmin takim e ka patur me presidentin Emmanuel Macron.
Komente
