Gjatë një vizite në Kiev, ministri i Jashtëm i Turqisë Hakan Fidan u shpreh optimist për një marrëveshje mes Rusisë dhe Ukrainës.
“Edhe Rusia edhe Ukraina duan një armëpushim dhe tani duhet të shprehin qëndrimet e tyre negociuese. Ne mendojmë se është e mundur të kurorëzojmë negociatat në Stamboll me një takim Trump - Putin - Zelensky të organizuar nga Erdogan”, raportohet të ketë thënë diplomati turk.
Duke vlerësuar rolin e Turqisë në përpjekjet për paqe, homologu i tij ukrainas Andri Sybiha tha se Kremlini duhet të pranojë një armëpushim të plotë dhe pa kushte.
Mediat amerikane shkruajnë se SHBA-të nuk do të dërgojnë një delegacion në raundin e dytë të bisedimeve ruso-ukrainase të planifikuara për 2 qershor në Stamboll.
Komento
Komente
