KOSOVË- Ministri kosovar i shëndetësisë në detyrë, Armend Zemaj përmes një postimi në rrjetin e tij social Facebook, ka bërë më dije se Kosova ka arritur të sigurojë 1 milionë e 220 mijë vaksina anti-COVID.
Ai në postim është shprehur se situata epidemiologjike në vend po menaxhohet me sukses.
Ndërkohë Zemaj i ka bërë apel qytetarëve të zbatojnë të gjitha masat anti-COVID me qëllim mbajtjen e situatës nën kontrollë.
“Edhe një herë ju siguroj qytetarë të vendit tim që tashmë kemi siguruar 1,220,000 vaksina anti-Covid”, ka siguruar ai.
“Deri në arritjen e vaksinave anti-Covid, të vazhdojmë t’i respektojmë masat, të mos i ngarkojmë institucionet shëndetësore dhe të gjithë të hospitalizuarit jo vetëm me Covid por edhe për nevojat dhe shërbimet tjera shëndetësore”, shkruan në fund Zemaj.
