Ministri i Transporteve të Norvegjisë ka deklaruar dorëheqjen nga posti aktual.
Në një njoftim për mediat, ai u shpreh se shkaku i dorëheqjes është sepse do t’i kushtojë më shumë kohë familjes dhe se do të lejojë gruan e tij të vazhdojë karrierën në fushën e mjekësisë.
Ishte e mrekullueshme të isha ministër i Norvegjisë dhe mund të vazhdoja të isha gjatë gjithë jetës sime por ka ardhur kohë që ime shoqe të vazhdojë karrierën e saj. Kjo është një marrëveshje që kemi bërë kohë më parë.
Ketil Solvik-Olsen, anëtar i partisë së krahut të djathtë Progresi
Gruaja e ish-ministrit ka fituar një kontratë një-vjeçare për të punuar në spitalin e fëmijëve në SHBA.
Ky vendim i Ketil Solvik-Olsen ka sjellë reagime të shumta në rrjetet sociale ku shumica e komentuesve e kanë pritur pozitivisht, duke e quajtur këtë një veprim i cili respekton barazinë gjinore.
Ketil Solvik-Olsen ka shërbyer në këtë post që prej vitit 2013, kohë kur partia e tij ka ardhur në pushtet.
Komente
