Kronikë
Top 24

Ministri Sandër Lleshaj vijon lëvizjet/ Emërohet drejtuesi i ri i SHÇBA-së (EMRI)

Në vendin e Anila Trimit është emëruar Muhamet Rrumbullaku, një drejtues me eksperiencë të gjatë në Policinë e Shtetit, që rikthehet në post drejtuesi. 

21 Janar 2019, 12:04| Përditesimi: 21 Janar 2019, 15:28

  • Share

TIRANE-Ministri i Brendshëm Sandër Lleshaj vijon lëvizjet e drejtuesve pas marrjes së detyrës. Ditën e sotme, Lleshaj ka firmosur emërimin e drejtuesit të ri të Shërbimit për Çështjet e Brendshme dhe Ankesat (SHÇBA).

Në vendin e Anila Trimit që u emërua nga Fatmir Xhafaj kur ishte në postin e ministrit, do të jetë Muhamet Rrumbullaku, një drejtues me eksperiencë të gjatë në Policinë e Shtetit, që rikthehet në post drejtuesi. 

Muhamet Rrumbullaku ka qenë Zv/Drejtori i Përgjithshëm i Policisë për Rendin dhe Sigurinë Publike 2009-2013, ndërsa më parë ka qenë Drejtor i Policisë së Tiranës dhe në disa qarqe. Pas reformës me ndryshimin e pushtetit në vendin 2013 u largua, por gjashtë vite më pas është rikthyer sërish. 

Ndërkohë që ky është rikthimi i dytë që bën Lleshaj, pas atij të Tonin Vocajt pak ditë më parë në krye të drejtorisë së Departamentit të Policisë Kriminale, i cili ishte larguar po në vitin 2013.

/r.k./ReportTv.al
Komento

Komente

  • Ardit: 21/01/2019 14:34

    po dorezon pushtetin ed rama. ku je o saje qorri se u mblodh ansambli çiftelia prape.

    Përgjigju
  • Ilo: 21/01/2019 13:40

    U rikthye grupi Ciftelia pritni Gon Kuliqin hajde Pjerin Ndreu cu bere

    Përgjigju
  • Sondazhi i ditës:

    Fushata për 11 majin, a i besoni premtimet e partive politike?