Përmes një Akti Normativ, Ministria e Ekonomisë, Kulturës dhe Inovacionit, njoftoi sot (29 Gusht) se çeli fondin për investim në 8 Shkolla Profesionale, 2 Qendra të Formimit Profesional dhe 2 të Mesme të Përgjithshme po profesionale.
Shkollat profesionale që përfitojnë janë 3 në Shkodër, 2 në Korçë, nga një në Tiranë, Durrës, Kukës, Lezhë, Pogradec, Fier dhe Vlorë
Lajmi u bë i ditur nga vetë ministri i Ekonomisë, Kulturës dhe Inovacionit, Blendi Gonxhja.
Ai tha se: “Ndërhyrjet e planifikuara do të përfshijnë rikonstruksionin e ndërtesave ekzistuese dhe krijimin e ambienteve shtesë për disa prej tyre, duke siguruar kushte dhe standarde më të larta për arsimin profesional”.
Gjithashtu theksohet se përveç infrastrukturës së përmirësuar, “më shumë se 5000 nxënës do të kenë mundësi të përfitojnë edhe laboratorë të pajisur me teknologjinë më të fundit dhe hapësirat e reja të dedikuara për zhvillimin e aftësive profesionale”.
Ja shkollat Profesionale që Përfitojnë:
-Qendra e Formimit Profesional Nr.1, Tiranë
-Qendra e Formimit Profesional, Durrës
-Shkolla Profesionale “Bajram Curri”, Kukës
-Shkolla Profesionale “Petro Sota”, Fier
-Shkolla Profesionale “Isuf Gjata” dhe “Irakli Terova”, Korçë
-Shkolla e Mesme Teknike, Korçë
-Shkolla e Mesme e Përgjithshme Profesionale “Hamdi Bushati”, Shkodër
-Shkolla e Mesme e Përgjithshme Profesionale “Arben Broci” Shkodër
-Shkolla e Mesme e Përgjithshme Profesionale “Kolë Margjini”, Shkodër
-Shkolla e Mesme Profesionale “Pavarësia” dhe Shkolla Tregtare, Vlorë
-Shkolla e Mesme Profesionale “Enver Qiraxhi”, Pogradec
-Shkolla e Mesme Profesionale “Kolin Gjoka”, Lezhë
