Këngëtarja shqiptare Rita Ora do të performojë në ceremoninë e mbylljes së Lojërave Invictus 2023 të Princit Harry. Turneu i këtij viti zhvillohet në Dusseldorf, Gjermani, ku Rita do të performojë në ceremoninë e mbylljes më 16 shtator.
Daily Mail shkruan se Rita është një mikeshë e ngushtë e themeluesit të eventit Princ Harry, i cili pritet të mbajë një fjalim emocionues në ceremoninë e mbylljes.
Rita dhe Harry janë miq prej vitesh, me yllin e popit që mori pjesë në dasmën e Harrit në 2018.
Lojërat Invictus janë një turne me sporte për ushtarakët e plagosur, të lënduar apo të sëmurë, si në shërbim ashtu edhe për veteranë.
Harry luajti një rol të rëndësishëm në sjelljen e Lojërave në Mbretërinë e Bashkuar në vitin 2014, kur 300 konkurrentë nga 13 vende morën pjesë në konkursin inaugurues në Londër.
