Shteti amerikan, Ajova, ka miratuar një nga projektligjet më të ashpra për abortin, duke ndaluar abortet prej momentit kur dëgjohen të rrahurat e para të zemrës së fetusit.
Ligjvënësit republikanë, që kontrollojnë dy dhomat e parlamentit kanë kaluar projektligjin, duke dërguar të njëjtin te guvernatori për të hyrë në fuqi.
Kritikët kanë argumentuar se ky projektligj e konsideron abortin të paligjshëm, përpara se shumica e grave të kuptojnë se janë shtatzënë.
Guvernatorja republikane e Ajovas, Kim Reynolds nuk ka treguar nëse ajo do ta nënshkruajë projekligjin.
Përfaqësuesja republikane, Shannon Lundgren u ka thënë mediave lokale se ajo beson që projekligji do të miratohet.
Vitin e kaluar, republikanët e Ajovas kanë ndaluar abortet pas javës së 20-të të shtatzënisë.