Mirditë - Një 21-vjeçar ka rënë në prangat e policisë së Mirditës pasi kishte kultivuar një parcelë me kanabis.
Parcela u zbulua gjatë një kontrolli të kryer nga policia në fshatin Bisakë.
22 rrënjët e kanabisit u sekuestruan si provë materiale.
“Shërbimet e Komisariatit të Policisë Mirditë, si rezultat i kontrolleve në kuadër të planit operacional “Koordinata”, goditën një rast të kultivimit të bimëve narkotike.
Gjatë kontrollit të territorit, në fshatin Bisakë, njësia administrative Mirditë, u zbulua një parcelë me 22 bimë të dyshuara narkotike, të llojit cannabis sativa.
Autori i dyshuar, shtetasi Gj. P., 51 vjeç, banues në fshatin Bisakë, Mirditë, u kap në flagrancë duke u kujdesur për bimët narkotike.
Bimët narkotike u asgjësuan me anë të djegies, përveç një pjese që u sekuestrua në cilësinë e provës materiale. Operacioni policor antikanabis “Koordinata” vijon pa ndërprerje në të gjithë territorin e vendit”, njoftoi sot policia.
Materialet procedurale iu referuan Prokurorisë për veprime të mëtejshme.
Komente
