Qytetarët e Kukësit mirëpresin vendimin për faljen e kamatvonesave të energjisë elektrike në kuadër të planit të hartuar nga qeveria për zbutjen e efektit negativ që krijon përballimi i emergjencës mjekësore të shkaktuar nga Covid-19.
Qytetari 1: "Kjo është diçka që duhet bërë. Na e falën na e falën, faleminderit prej qeverisë. Po gjithsesi kamatvonesa nuk ndikon shumë, por debia. Se debia është mirë me e na e heq dhe të paguajmë dritat rregullisht."
Qytetari 2: "Shumë mirë ka bërë që e ka fal se jemi duke paguar dritat e 2010. Faleminderit prej qeverisë, por ka mundësi me na fal më shumë."
Qytetari 3: "Është shumë mirë, por ka dashur më herët. Gjithsesi edhe ajo leverdi është."
Por ka nga ata qytetarë të cilët shprehen se kamatvonesa nuk është falur dhe që janë kundër faljes.
Qytetari 4: "Me mpyt mu nuk jam dakord fare me e fal kamatvanesen. Pse e kam paguar unë atë?! Çfarë është kjo padrejtësi që bëhet mes nesh? Çfarë qeverie është kjo?"
Kukësi radhitet ndër zonat më të varfëra në vend dhe falja e kamatvonesave të energjisë do të lehtësojë sadopak buxhetin e familjeve të varfëra që janë debitor ndër vite në OSHEE.
Falja e kamatëvonesave ka të bëjë me detyrimet që debitorët aktivë kanë për periudhën deri në 31 dhjetor 2019. Çdo lloj detyrimi që lind nga viti 2020 e në vazhdim, duhet paguar. Kështu konsumatorët duhet të paguajnë energjinë, pasi çdo faturë nga 1 janari i këtij viti e në vijim do të paguhet bashkë me kamatëvonesat.
Komente
shkoni more te pa gopure aa si ishte ju qe merrnit kaline e dilnit ne Tirane hyy trashesia e shekullite
Përgjigju