Mish në salcë kremoze qumështi
Përbërësit:
- 800 gr mish derri
- 600 ml qumësht
- 1 qepë
- Gjalpë i freskët
- Kripë për shije
- Rozmarinë për shije
- Piper rozë
- Piper jeshil
Përgatitja:
Lidhim mishin e derrit, më pas shtojmë kripë dhe piper në të gjithë sipërfaqen, ndërkohë shkrijmë pak gjalpë në një tenxhere të madhe. Shtojmë mishin dhe e skuqim nga të gjitha anët.
Pasi mishi të ketë ndryshuar ngjyrë shtojmë qepën e grirë.
E mbulojmë me qumështin, shtojmë rozmarinën dhe e kaurdisim për rreth një orë në zjarr shumë të ulët. Pasi të piqet shtojmë piperin rozë dhe e lemë mishin të ftohet. Përziejmë salcën, presim mishin në feta të holla dhe e shërbejmë.
Komento
