Nuk ka vetëm simpati dhe dashuri për dobësitë njerëzore. Mes miliona shikimeve të vëmendshme ndaj Angela Merkel dhe krizave të saj të dridhjes, ekzistojnë dhe vështrimet e shërbimeve sekrete të gjysmës së botës.
Shëndeti i kancelares nuk është vetëm një çështje personale, por është një shqetësim për balancat globale dhe për këtë arsye vëmendja, pak a shumë malinje, është e parashikueshme.
Natyrisht, ka edhe ata që luajnë paraprakisht: sipas “Bild Zeitung”, ndërsa Merkel ishte në Osaka, agjentë nga vendet e tjera janë përpjekur të fusin duart te të dhënat mjekësore të kancelares.
Gazeta në shkrimin e saj nuk specifikon se kush apo si, por dihet që “Bild” ka gjithmonë lidhje shumë të "lubrifikuara" me burimet e sigurisë së brendshme gjermane, prej të cilave siguron informacione të besueshme.
Përpjekjet nga agjentë të vendeve të ndryshme për të zbuluar problemet shëndetësore të kancelares Angela duken të besueshme.
Në samitin e G20 në Osaka, kancelarja u shfaq më pak energjike se zakonisht, edhe pse nuk pati të dridhura. Pavarësisht se pas takimit me presidentin ukrainas Wolodymyr Zelensky mjekët thanë se gjendja jo e mirë e kancelares ishte si pasojë e dehidratimit, kjo duket pak e besueshme.
Komente
