GREQI- Ditën e sotme në mbledhjen e kabinetit, kryeministri i Greqisë Kyriakos Mitsotakis ka folur për vaksinimi anti-COVID të popullsisë duke vënë theksin se masat kufizuese nuk do të ndryshojnë.
Në fillim të fjalës së tij ka thënë se viti 2020 ishte viti i sfidave për të gjithë pas përballjes me pandeminë dhe pasojat e saj socio-ekonomike.
Ai tha se sfida e muajve të ardhshëm do të jetë pikërisht vaksinimi i të gjithë qytetarëve në vend.
“Sa më besnikërisht të respektohen masat kufizuese anti-COVID nga qytetarët aq më e lehtë do të jetë për ne të pakësojmë masat dhe të vaksinohen sa më shumë qytetarë”, ka thënë ai gjatë fjalimit.
Sipas kryeministrit dozat e para të vaksinës për koronavirusin do të jenë në Greqi më date 26 dhjetor dhe sipas tij vaksinimi i qytetarëve do të nis ditën e nesërme.
“Ne kemi organizuar një plan të mire menduar për transportin, ruajtjen dhe shpërndarjen e vaksinës në vend”, ka shtuar Mitsotakis gjatë fjalimit.
Pas miratimit të vaksinën Pfizer nga EMA ditën e djeshme, shtetet evropiane kanë tashmë mundësinë e nisjes së vaksinimit për popullsinë. Shumë shtete kanë bërë deklarata për nisjes e saj në 27 dhjetor si Gjermania, Franca dhe Greqia.
