E ftuar në emisionin “Klinika 24” në Report TV, me autore Doreada Mio, ishte Alma Hoxhaj, mjeke infeksioniste, e cila foli për përhapjen e Salmonelës, duke iu referuar lajmeve të fundit për konsumimin e mishit të pulës.
“Është një infeksion që ka qenë gjithë kohën me neve dhe mund të zhvillohet në aparatin tretës të disa kafshëve, pasi janë gati 2500 lloje salmonelash”, tha mjekja në studio.
Ajo shpjegon se Salmonela është e kudondodhur së pari, kur përdorim mish ose vezë, nuk e dallojmë dot, pasi nuk ka shenja të dukshme. Nëse ne gatuajmë në kushte optimale, pra mishi i zjerë, mbi 70 gradë denatyrohet si bakter.
Tek veza është mirë t’i lajmë. Duhet të kemi kujdes me dizinfektimet e enëve që ushqehemi, kujdes me të gjitha llojet e mishrave, sikurse dhe larja e mishit të pulës.
“Efektet zakonisht janë një diare e lehtë, por që kalon dhe vet pa e kuptuar. Salmonela është gjithë vitin, por më shumë raste shihen gjatë verës. Nëse kemi shenja të dhimbjeve abdominale, temperaturë, dehidratim, duhet të paraqitemi tek mjeku menjëherë”, shpjegon më tej mjekja.
Zakonisht simptomat shfaqen deri në dy ditë pasi ke ngrënë mish me salmonelë dhe për mjekimin me antibiotik, zakonisht vendos mjeku për këtë protokoll, sikurse një këshillim me infeksionistin, pa harruar konsumin e sa më shumë lëngjeve për organizmin.
E ftuar në emisionin “Klinika 24” në Report TV, me autore Doreada Mio, ishte edhe Daniela Kurti, anesteziste reanimatore, që po e përfundon këtë specializim në Itali.
Është një specializim shumë i gjerë, ku ajo është profilizuar më mirë në anestezinë e lindjes.
“Dhimbja e lindjes përshkruhet si dhimbja më e fortë që mund të ketë, por ka teknika që gratë shtatëzanë të lehtësohen. Nuk ka lindje totalisht pa dhimbje, por përdoren medikamente që ulet niveli i dhimbjes ndjeshëm. Anestezia spinale, që përdoret për lindjen cezariane, kemi bllokim total të impulseve motorike dhe pacientja nuk mund të lëvizë më gjatë kohës së lindje”, shpjegon Kurti për Report Tv.
Nëse zgjedh kateterin peridural, ajo shprehet se varet nga pragu i dhimbjes që gruaja mundet të durojë, por për këtë merret një aprovim nga vetë ajo.
Mjekët kryesisht rekomandojnë këtë të fundit përderisa edhe lindja është natyrale në ketë rast, ndërsa për bebin nuk ka ndonjë diferencë. Kjo gjë mund të bëhet që në lindjen e parë pa asnjë problem.
Komente
