Mjekja Ana Luca feston ditën e sotme ditëlindjen por pavarësisht kësaj, ajo është në shërbim të pacientëve të prekur nga koronavirusi.
Përmes një postimi në Facebook, kryeministri Rama e ka uruar kryeinfermieren e infektivit.
Ai shkruan se Ana është një prej heronjve që po përballen me armikun e padukshëm.
Postimi i plotë i Edi Ramës:
“Në këtë ditë të shtune që përkon edhe me ditëlindjen e saj, Ana Luca është duke u shërbyer pacientëve me COVID19, si kryeinfermiere në detyrë e Spitalit Infektiv, duke përballur me kurajo dhe guxim të pashoq, armikun e padukshëm e të pabesë.
Është kënaqësi dhe nder që si kryetar i qeverisë, t’ia uroj në emër të të gjithëve këtë ditë të shënuar një prej heronjve të mjekësisë, forca njerëzore e të cilëve, bashkë me aftësinë e tyre të spikatur profesionale, i bën shembuj frymëzues e domethënës për të gjithë ne në këto kohë posaçërisht të vështira.”
