Nga ambientet e jashtme të spitalit Infektiv të Qendrës Spitalore Universitare “Nënë Tereza”, mjeku i njohur shqiptar Arjan Harxhi ka apeluar për të gjithë shqiptarët kujdes me qëllim parandalimin e COVID-19.
Mjeku Harxhi thotë se pasojat e kujdesit apo moskujdesit tonë si individë, do të reflektohen në të ardhmen e afërt, të mesme apo qoftë edhe në atë afatgjatë.
“Me sëmundjet infektive është shumë e rëndësishme, dihet që çdo fushë ka përgjegjësitë e veta dhe duhet ta rishikojë këtë lloj pozicioni, përgjegjësitë që kanë institucionet shtetërore, që ka shoqëria, që ka individi sa i përket kujdesit të parandalimit por edhe për të parë sesi do të jetë pozicioni i secilit prej këtyre në të ardhmen e afërt, afatmesme dhe afatgjatë”, u shpreh Harxhi.
