Mjekët Bledi Bërdalli dhe Julian Malaj si dhe infermieri Ermal Gjeci kanë dalë sot para gjykatës për tu njohur me masën e sigurisë pasi i arrestuan sepse mjekuan dhe ndihmuan të shumëkërkuarin Nuredin Dumani, i cili ishte plagosur pas përplasjes me armë në Elbasan, mes Talo Çelës dhe Dumanit, ku ky i fundit shkoi t'i bënte atentat, por mbeti vetë i plagosur. Gjykata ka vendosur vetëm detyrim paraqitje për kirurgun Julian Malaj, ndërsa ‘arrest shtëpie’ për mjekun tjetër Bledi Bërdalla si dhe infermierin Ermal Gjeci.
Mjekët akuzohen për moskallëzim krimi, pasi nuk raportuan në polici se kishin mjekuar të shumëkrkuarin. Në deklarimet e tyre ata kanë thënë se nuk e njihnin atë dhe as kishin dijeni për të shkuarën e Dumanit.
Dje Gjykata e Elbasanit ka lënë në burg 'ushtarin' e Nuredin Dumanit, Henrik Hoxhajn, ndërsa e dashura e tij, 20-vjeçarja nga Kosova Mirjet Hajdini është lënë në 'detyrim paraqitje'. Përpara trupit gjykues ajo është shprehur se nuk e dinte të shkuarën e Nuredin Dumanit, pasi ai i ishte prezantuar me emër tjetër.
Dumani u vu në pranga para dy ditësh vetëm pak orë pasi ishte plagosur pas përplasjes me armë që pati me Talo Çelën në Papër të Elbasanit. Pas atentatit ai u plagos dhe u strehua në Fier, por që u kap nga policia. Fillimisht u njoftua nga policia për BMW-në që u qëllua me breshëri dhe që ishte më targa të vjedhura në qytetin e Durrësit që në prill të vitit 2021. Mjeti BMW ishte i Nuredin Dumanit dhe pas shkëmbimit me armë zjarri që mendohet se ka pasur me Talo Çelën, braktisi makinën dhe u largua nga vendi i ngjarjes menjëherë pas të shtënave. Gjatë kontrollit policia gjeti në automjet një kallashnikov edhe një bidon me 5 litra benzinë.
Gjykata e Elbasanit ka vendosur masën e sigurisë për 2 mjekët dhe infermierin të cilët ndihmuan Nuredin Dumanin.
Gjykata ka vendosur vetëm detyrim paraqitje për kirurgun Julian Malaj, ndërsa ‘arrest shtëpie’ për mjekun tjetër Bledi Bërdalla si dhe infermierin Ermal Gjeci.
Komente
Mjeke bashkepuntore te krimit te organizuar. Mjeke qe riparojne makineri vrastare per ti hedhur serish ne pellgje gjaku. Keta qe vetem emrin kane mjeke gjykata i le te lire. Perse? Se gjoja nuk kemi mjeke. Me mire djepi bosh sesa shejtani brenda. Turp per drejtesine
Përgjigju