VIP & Spektakël

Modelja afrikano-jugore kurorëzohet Miss Universe 2019, përfaqësuesja shqiptare shkëlqen me fustanin 'kuqezi' dhe renditet në 'Top 20'

9 Dhjetor 2019, 13:09| Përditesimi: 9 Dhjetor 2019, 20:16

  • Share

Modelja afrikano-jugore, Zozibini Tunzi është kurorëzuar Miss Universe 2019.

Ceremonia e përzgjedhjes së vajzës më të bukur u zhvillua mbrëmjen e djeshme, në Atlanta të SHBA-së.

Bukuroshja afrikane shkëlqeu në të gjitha paraqitjet e saj dhe në fund rrëmbeu  kurorën.

"Jam rritur në një botë ku një grua që duket si unë,  me llojin tim të lëkurës dhe llojin e flokëve të mi, nuk u konsiderua kurrë e bukur. Mendoj se është koha që të ndalet sot. Unë dua që fëmijët të shohin fytyrat e tyre të pasqyruara në timen", është shprehur bukuroshja.

Dy shoqëruesit e misit ishin Miss Meksika dhe Miss Puerto Rico.

Ndërkohë në garë ishte edhe bukuroshja shqiptare e lindur në SHBA, Cindy Marina, e cila pak kohë më parë ishte shpallur fituese e Miss Universe. 

Bukuroshja shqiptare u rendit në Top 20 nga 90 vajza në total.

Cindy në një nga paraqitjet e saj në skenë, i befasoi të gjithë me një veshje kuqezi si mbretëresha shqiptare Teuta.

Cindy Marina është 21 vjece dhe ka lindur në Chicago të SHBA-së.

Ajo është vajza e dy prindërve shkodranë që janë zhvendosur dhe jetojnë në kontinentin e largët.


Cindy Marina

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?