Me 1.8 milionë dollarë është gjobitur modelja Kendall Jenner pasi u hodh në gjyq nga marka italiane e modës “Liu Jo”. Përfaqësuesi e markës e hodhën në gjyq Jenner me pretendimin se ylli i familjes Kardashian ka shkelur kushtet e një kontrate.
Në padinë e depozituar në Gjykatën e Qarkut të SHBA në Manhattan, thuhet se Jenner mori pjesë vetëm në një nga dy fotosesionet e planifikuara.
“Liu Jo” do të përfitojë të paktën 1.8 milionë dollarë dëmshpërblim ndërsa thotë se i ka paguar 1.35 milionë dollarë modeles. Firma prestigjioze pretendon se u përpoq të vendoste një datë për fotosesionin e dytë, por nuk mori asnjëherë përgjigje nga Kendall dhe asnjë rimbursim të pagesës.
Komento
Komente
