Sherif Tiraspol dhe Partizani i Beogradit luajnë nesër në 21:00 për 1/16 e Conference League. Tifozëve të Partizanit të Beogradit u është ndaluar të udhëtojnë për të parë skuadrën e tyre duke luajtur në transfertë, pasi tensionet po përshkallëzohen në Moldavi mes frikës se Rusia mund të planifikojë një grusht shteti.
Presidentja e Moldavisë, Maia Sandu tha të hënën se kishte frikë se Rusia po përgatiste një përpjekje për të rrëzuar qeverinë e saj. Sandu sugjeroi më tej që qytetarët e Rusisë, Bjellorusisë, Malit të Zi dhe Serbisë mund të përdoren si pjesë e komplotit, me zyrtarin qeveritar Andrian Keptonar që sugjeroi në konferencë se serbët mund të kenë qenë duke u përpjekur të hyjnë në Moldavi nën maskën e tifozëve të futbollit.
Shteti i vendosur midis Ukrainës dhe Rumanisë, mbylli përkohësisht hapësirën e vet ajrore të martën dhe FC Sheriff konfirmoi se autoritetet moldave kishin urdhëruar që ndeshja e tyre të luhej pa tifozë të pranishëm.
