Dy turiste nga Koreja e Jugut janë arrestuar në Turqi pasi i vodhën një shqiptari një çantë të mbushur me para.
Ngjarja u regjistrua më 27 gusht në Cappadocia, një destinacion mjaft i njohur për turistët.
Shqiptari ishte ulur në kafene, por harroi aty çantën që kishte brenda 12.100 sterlina dhe 1500 dollarë australianë.
Ai u kthye në kafene pasi e kuptoi se kishte harruar çantën bashkë me pasaportat dhe dokumentet e identifikimit, por turistet që ishin ulur te tavolina, e kishin marrë dhe ishin larguar.
Koreanet thanë se e morën çantën gabimisht pasi ishin të dehura.
Lajmi i vjedhjes bëri bujë në vendin e tyre, madje shumë komentues e kanë quajtur një veprim që i sjell turp Koresë.
Komento
