TIRANË- Shefja e Misionit të Vëzhguesve të OSBE-ODIHR për zgjedhjet vendore të 14 Majit, Audrey Glover ka zhvilluar një vizitë në KQZ, ku u takua me kryekomisionerin Ilirjan Celibashi. Pa humbur kohë, Glover ka nisur punën për zgjedhjet vendore, ndërsa Celibashi ka zbardhur fokusin e bisedës. Ai shkruan se e ka njoftuar Glover me përgatitjet për zgjedhjeve vendoret, por ka prekur edhe sfidat me të cilat pritet të përballen. Celibashi thotë se i ka garantuar Glover transparencën e plotë të KQZ dhe zbatimin strikt të ligjshmërisë.
"Ambasadorja Glover vlerësoi informacionin paraprak, prezantoi planet për vëzhgimin e zgjedhjeve dhe nënvizoi rëndësinë e këtij procesi zgjedhor për Shqipërinë”, shkruan Celibashi.
Glover do të drejtojë ekipin me 324 vëzhgues për të monitoruar zgjedhjet vendore. Ndërkohë, ditën e nesërme, Glover do të mbajnë një konferencë shtypi mbi hapjen e misionit të vëzhgimit të zgjedhjeve për zgjedhjet vendore.
Kjo është hera e disatë që Glover vjen në vendin tonë për të monitoruar procesin zgjedhor. Britanikja e 'hekurt' ka drejtuar misionin e ODIHR për 4 herë në Shqipëri: në vitin 1996, ku shpalli zgjedhjet e manipuluara të 26 majit, në vitin 2009, si dhe në vitin 2015 dhe në vitin 2019. Tashmë do të monitorojë edhe zgjedhjet e 14 Majit.
Kryekomisioneri Ilirjan Celibashi ka zbuluar detaje nga takim me shefen e OSCE/ODHIR, Audrey Glover e cila do të monitorojë zgjedhjet e 14 majit. Celibashi shkruan se ka njohur Glover me përgatitjet për zgjedhjet si edhe thotë që i ka garantuar asaj transparencën e plotë të KQZ dhe zbatimin strikt të ligjshmërisë.
“Mikpritëm sot në KQZ Shqipëri, Shefen e Misionit të OSCE/ODHIR, Ambasadoren Audrey Glover dhe ekipin e saj, të cilët i njohëm me përgatitjet e zgjedhjeve vendore, si edhe sfidat e deritanishme. Me ekipin e OSBE/ODIHR, theksova se garantojmë transparencën e plotë të KQZ dhe zbatimin strikt të ligjshmërisë. Ambasadorja Glover vlerësoi informacionin paraprak, prezantoi planet për vëzhgimin e zgjedhjeve dhe nënvizoi rëndësinë e këtij procesi zgjedhor për Shqipërinë”, shkruan Celibashi.
