Pas javës së katërt Interi ka lëshuar kreun e Serie A. Kampionët në fuqi të Italisë barazuan 1-1 në "Brianteo" kundër Monzës. Nga fillimi këtë duel për zikaltërit e nisi edhe Kristjan Asllani, mesfushori i Kombëtares që u zëvendësua në minutën e 74. Ishte Monza që zhbllokoi ndeshjen me Mota në minutën e 81, para se Dumfries të barazonte gjithçka dy minuta nga fundi. Inter u duk se e kishte mendjen në Champions League, teksa në mesjavë gjejnë Man. Cityn dhe më pas Milanin në kampionat. Tanimë Napoli kryeson renditjen e Serie A me nëntë pikë, një më shumë se Inter dhe Juventus.
Lajmi kryesor:
Interi barazim të dhimbshëm, zikaltërit lëshojnë kreun e Serie A! Gjimshiti titullar, Atalanta përmbys 3-2 Fioren! Roma e bën dramë në Genoa, Napoli 'poker' në udhëtim
S.Dh/ReportTv.al
