Ministri i Turizmit dhe Mjedisit, Blendi Klosi mori pjesë në edicionin e tretë të Konferencës shkencore për Mbrojtjen e Faunës së egër të zhvilluar këtë të shtunë , në kuadër të Festivalit të zogjve, ku foli rreth ligjit të moratoriumit të Gjuetisë dhe nismave që do të merren në vijimësi rreth zbatimit të tij.
Pakësimi i faunës së egër ka qenë një problematikë e madhe në Shqipëri, aq sa edhe në zonat e mbrojtura ishte e vështirë të gjeje shpendë apo kafshë të egra.
Teksa e vlersoi vendosjen e moratoriumit të gjuetisë, si një një nismë të rëndësishme të qeverisë, Ministri Klosi nënvizoi se përtej rezultateve positive që pritet të japë ky moratorium është është e nevojshme të ngrihen masa e mekanizma të reja për të ruajtur dhe fuqizuar zonat e mbrojtura të faunës së egër dhe kthimin e tyre në ekonomi.
Ne duhet që të jemi në një debat të vazhdueshëm nëpërmjet mekanizmave për të mbrojtur dhe për të fuqizuar zonat të mbrojtura, pasurinë tonë natyrore dhe kthimin e tyre në ekonomi. Unë mendoj që në jetën e një administrator publik është e vështirë të marrësh vendime radikale, mbase është e vështirë të marrësh vendime që ndryshojnë gjërat, por vendimi i marrë nga qeveria e Edi Ramës për moratoriumin e gjuetisë mendoj ka qenë një nga vendimet më të guximshme dhe me efekte të menjëhershme.
Blendi Klosi, Ministri i Mjedisit
Ministri Klosi tha se ka ardhur koha që pasioni i gjuestisë të ketë rregulla dhe se falë masave të marra në këtë drejtim, kjo ka patur ndikim ne mbrotjen e zonave të faunës, ku në dy vitet e fundit është shtuar numri i zogjve shtegar edhe në laguna.
Ne na duhet një periudhë tjetër moratoriumi, të paktën deri në përfundim të këtij 5-vjeçari për të parë sesa më shumë përfitim do të kemi në si shoqëri, sesa janë shtuar zogjtë shtegtar që vijnë në vendin tonë. Ne bëmë cencusin e zogjve dhe rezulton se në dy vitet e fundit numri i zogjve shtetgtar në lagunat tona është shtuar me 40%. Pa qenë kundër komunitetit të gjuetarëve, ne duhet të rrisim ndërgjegjësimin e opinionit se ka rregulla edhe në atë passion të gjuetisë siç duhet të ketë rregulla, mbështetje, fuqizim të pasionit tuaj për të rritur gjënë e veçantë, gjënë e bukur, konkurrimin nëpërmjet vlerave dhe arritjeve të fundit të shkencës edhe në fushën e mbrojtjes së zogjve”, tha ministri Klosi nga konferenca shkencore për mbrojtjen e faunës së egër.
Blendi Klosi, Ministri i Mjedisit
Si pasojë e moratoriumit të gjuetisë, në Parkun Kombëtar të Divjakë-Karavastasë numri i shpendëve të ujit në 2018-n ka arritur në mbi 47 mijë. Flamingot i gjejmë në këtë park si asnjëherë më parë, mbi 4 mijë të tilla. Shtim të llojeve të faunës së egër kemi edhe në Kune-Vain; në Liqenin e Shkodrës, në Nartë, Butrint, Orikum, Patok, në Karpen, Seman dhe në liqenin e Tiranës.
Komente
