SHKODËR- Një 38 vjeçar në Malësi të Madhe ka kallëzuar në policinë e Shkodrës se një i ri i ka marrë makinën me qira, por nuk ia ka kthyer më madje e ka shitur. Pas denoncimit policia është vënë në ndjekje të 25 vjeçarit.
“Gjithashtu, specialistët për Hetimin e Krimeve të Komisariatit të Policisë Shkodër referuan materialet në Prokurori dhe shpallën në kërkim shtetasin O. U., 25 vjeç, banues në fshatin Koplik i Sipërm, Malësi e Madhe, pasi ka kallëzuar shtetasi E. Z., 38 vjeç, banues në Shkodër, se i ka dhënë me qera mjetin shtetasit O. U., i cili nuk ia ka kthyer më, por e ka shitur”, njofton policia.
Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
