Gjykata e Posaçme ka dënuar me 10 muaj burg për ish-zv.ministren e Brendshme, Rovena Vodën, e cila u vu në pranga pasi mori ryshfet për të punësuar një person në ministri.
Voda u dënua me 1 vit e 3 muaj burgim, por për shkak të gjykimit të shkurtuar, ish-zv.ministrja do të vuaj vetëm 10 muaj në qeli. Po ashtu edhe dy të pandehurat e tjera, Florida Beu dhe Majlinda Hasanin janë dënuar me nga 10 muaj burg. Kujtojmë se SPAK kërkoi dënimin me 1 vit e 6muaj burg për ish-zv.ministren e Brendshme, Rovena Voda dhe nga 15 muaj për Florida Beun dhe Majlinda Hasanin.
Sipas SPAK, Voda ka kryer veprën penale të ushtrimit të ndikimit për të favorizuar e punësuar në shtet Florida Beun nëpërmjet lidhjeve që kishte me avokaten Majlinda Hasani.
Rovena Voda ra në 'rrjetën' e SPAK nga përgjimet që kishin për prokurorin e Kukësit, Edmond Karriqi, i cili u arrestua në Kavajë nën akuzën e korrupsionit. Nga hetimet e kryera nga SPAK, nga përgjimet rezultoi se Rovena Voda ka pranuar nga avokatja Florida Beu 2 mijë euro, një telefon dhe një arkë me peshk për punësimin e saj në Ministrinë e Brendshme, por që në fund procedura mbeti në mes.
Sipas dosjes hetimore Majlinda Hasani ka luajtur rolin e sekseres për të lidhur Florida Beun me ish-zv.ministren. Marrja e eurove dhe të mira materiale u filmuan, përgjuan dhe fotografuan nga SPAK, duke çuar në pranga Vodën.
Komente
Gasper Curcia u denua me pushkatim sepse fallcifikoi biletat e trenit ne kohen e Xhaxhit kurse kjo akoma me keq duke qene me funksion qeveritar zv. ministre ka me turp ta ule veten e te korruprohet per nje telefon dhe nje arke me peshk tja hedhi paq me 10 muaj. Kjo eshte drejtesia qe duam.
PërgjigjuE keni demtuar rende korupsionin me keto denime. Po ndonje gjobe te majme nuk ju vute, apo ce deshet. Arroganca e kesaj dhe e bashkeburrit te vet ishte e paimagjinueshme. Kjo na jepte leksione ne TV per rendin dhe sigurine, skandal. 10 muaj kjo per korupsion dhe 3 vite Bojkeni se hapi 3 dritare hahaha 1 vit ajo e uniformave te policise per 25 milion euro abuzim. .
PërgjigjuBravo SPAK u vonove pak po e denove te koruptuaren e peshkut.Kjo per 1 ark me peshk do vej ne burg,Mediu qe vrau 26 veta dhe plagosi dhjetra te tjere ben vizita ne Amerike ZNJ.kim edhe ju shume hipokrit jeni .Pse i jepni vize ketij vrasesi?
PërgjigjuKapin nje fukara qe mbjell 2 rrenje canabis e denojne 10 vjet kirse kete te korruptuaren e paskan keputur ne mes shtet legen
Përgjigju