TIRANË- Qeveria e katërt e Edi Ramës e mori bekimin e presidentit Bajram Begaj dhe është gati të nisë zyrtarisht nga puna. Report Tv solli momenti kur kryeministri dhe 16 ministrat e tij u betuan me dorën mbi kushtetutë, me këtë formulë betimi.
I pari që u betua ishte kryeministri, ndërsa pas tij, me dorën mbi kushtetutë dhe në radhë pas njëri tjetrit u betuan edhe 16 ministrat. Numri dy i qeverisë, Balluku, që vijon në të njëjtin dikaster.
Elisa spiropali që rikthehet sërish në kabinet në krye të diplomacisë shqiptare, dhe e para grua në krye të ministrisë së brendshme Albana Koçiu.
Bashkë me to, betohen edhe të tjerët që Edi Rama u besoi sërish një vend në kabinet, duke shënuar kështu 9 rikonfirmime në qeveri.
6 të tjerët më të emocionuar, pasi një detyrë kaq të rëndësishme e marrin për herë të parë.
Mes të cilëve një prurje tërësisht e re e pa profil politik, si Evis Sala, në krye të shëndetësisë.
Ceremonia e betimit përfundoi me një foto familjare në shkallët e presidencës
Siç e do tradita, Ministrat me në krye Ramën përshkuan në këmbë rrugën drejt kryeministrisë, pjesa më e madhe të heshtur, duke u ndalur vetëm për të respektuar semaforët.
Në godinën qeveritare i priste shtruar tapeti i kuq, ku ministret nxituan të pozicionoheshin krah shefit të tyre.
Për të shënjuar momentin, një tjetër foto familjare
Pas kësaj në mbledhjen e parë të qeverisë, ndonëse më së shumti simbolike se vendimmarrëse, të cilën Rama e drejtoi në të ashtuquajturën Salla e Kuqe, Eden.
Edi Rama ngjiti për herë të katërt këto shkallë, me ministrat e rinj, gati për tu ulur sërish në krye të qeverisë këtë herë edhe më i fortë. Me 83 mandate, e një premtim ambicioz për ta futur Shqipërinë në BE.
Qeveria ‘Rama 4’ ka nisur zyrtarisht punën.
Ministrat dhe kryeministri Rama fillimisht u betuan tek presidenti Bajram Begaj.
Pas fotos zyrtare ata po zhvillojnë edhe mbledhjen e parë.
Pasi u betuan në Presidencë dhe bënë foton e përbashkët me presidentin Bajram Begaj, qeveria ‘Rama 4’ po mban mbledhjen e parë në Kryeministri.
Të pranishëm në këtë mbledhje janë të gjithë ministrat që u betuan në Presidencë.
Në foto vërehet se ministrat janë vendosur përballë njëri-tjetrit, teksa në qendër të tryezës ndodhet kryeministri Edi Rama.
Pas përfundimit të ceremonisë së betimit përpara kreut të shtetit, presidentit Bajram Begaj, ministrat e qeverisë së bashku me kryeministrin Rama u nisën në këmbë drejt kryeministrisë.
Në video shihet skuadra e ‘Rama 4’ në pritje të semaforit për të kaluar rrugën dhe për të shkruar drejt kryeministrisë ku dhe do të zhvillohet mbledhja e parë e qeverisë pas dekretimit të secilit prej tyre për detyrën e marrë për këtë mandat politik.
Pasi u betuan në presidencë, kryeministri Edi Rama dhe 16 ministrat janë drejtuar në këmbë drejt kryeministrisë, ku do të mbajnë mbledhjen e parë si qeveri e re. Report TV mëson se mbledhja do të mbahet tek Salla e Kuqe, Eden.
Kabineti i ri qeveritar realizon foton e përbashkët me presidentin Bajram Begaj. Pas ceremonisë, ku kryeministri Edi Rama dhe 16 ministrat u betuan një nga një duke vënë dorën mbi Kushtetutë, siç e kërkon edhe tradita, ata realizuan foton teksa dolën nga presidenca. Me betimin, zyrtarizohet qeveria e re “Rama 4”.
Foto e Begajt me Ramën dhe ministrat
Kryeministri Edi Rama sapo ka mbërritur në Presidencë, ku do të betohet kabineti i ri qeveritar.
Pas betimit si kryeministër dhe 16 ministrat, Rama do të mbajë edhe mbledhjen e parë të kabinetit qeveritar.
Në shkallët e kryeministrisë është shtruar tapeti i kuq për të pritur të gjithë ministrat e kabinetit të qeverisë ‘Rama 4’, të cilët do të mblidhen në kryeministri për mbledhjen e parë qeveritare pas betimit përpara kreut të shtetit, presidenti Bajram Begaj.
Siç e do tradita, skuadra ‘Rama 4’ do të zhvillojë dhe foton familjare në shkallët e kryeministrisë.
Komente
Urime qeverisë....qent le të lehin ju ecni përpara....presim ndryshime....
PërgjigjuPO TI JE QENI NR 1 SHKO LEPIHU MIRE SE DO KAPESH NDONJE GJE PO KUR TE MBAROJE PESHTYMA CA DO BESH? ME LIGJIN E RI DO GJESH NDONJE GJE TJETER IDJOT.