Një 54-vjeçar është arrestuar nga policia në pikën kufitare të Qafë Morinës. Banori i Bajram Currit u arrestua në flagrancë pasi po kontrabandonte drejt Shqipërisë 103 kuti me pije alkoolike dhe energjike nga Kosova.
54-vjeçari u kap falë informacioneve të siguruara nga inteligjenca policore.
Operacioni u kodua “Muzgu”. Policia sekuestroi kutitë me pije të gjetura (mallra për të cilat paguhet akcizë) në automjetin me të cilin lëvizte A.K.
Policia ka arrestuar në flagrancë edhe doganierin e PKK Qafë Morinë, për veprën penale "Shpërdorimi i detyrës", pasi dyshohet se nuk ka kryer veprimet doganore ndaj mjetit tip "Volkswagen" i cili transportonte mallrat nga Kosova drejt Shqipërisë.
Komento
Komente
