Një 37-vjeçar është vënë nën hetim, pasi u kap në tentativë për të futur 32 450 euro dhe 140 mijë lekë të rinj, të padeklaruar në pikën kufitare të Morinës.
Gjatë kontrollit fizik shërbimet e Policisë kanë gjetur 32 450 euro dhe 140 mijë lekë të rinj në çantën e 37-vjeçarit, i cili po tentonte t’i fuste në vendin tonë, pa i deklaruar konform ligjeve në fuqi.
Për pasojë A. L., 37 vjeç, banues në Shkodër, u vu nën hetim për veprën penale "Mosdeklarimi në kufi i të hollave dhe i sendeve me vlerë".
Gjithashtu, në cilësinë e provës materiale u sekuestrua shuma e parave.
Materialet procedurale i kaluan Prokurorisë Kukës, për veprime të mëtejshme.
Komento
