Presidenti amerikan, Donald Trump ka hedhur akuza ndaj Rusisë, Sirisë dhe Iranit për vrasjen e civilëve në provincën Idlib të Sirisë, duke i paralajmëruar këta të fundit të ndalojnë masakrën.
Përmes në postimi në Tëitter, Trump është shprehur se Turqia është duke punuar fort për të ndalur këtë “masakër”.
“Rusia, Siria dhe Irani janë duke vrarë ose janë në drejtim të vrasjes së mijëra civilëve të pafajshëm në provincën Idlib. Mos e bëni këtë! Turqia është duke punuar shumë për të ndalur këtë masakër”, shkruan Trump.
Një mesazh i tillë është një përpjekje e Trump për të rregulluar marrëdhëniet e ashpërsuara midis tij dhe presidentit turk, Recep Tayyip Erdogan, pas sulmeve të Turqisë kundër kurdëve, aleatë të SHBA në Siri, dhe blerjes nga ana e saj së sistemeve raketore ruse për mbrojtje, S-400.
Forcat siriane dhe ato ruse kanë intensifikuar bombardimet në Idlib, rajoni i fundit i rëndësishëm për rebelët e Sirisë, ndërkaq Presidenti sirian Bashar al-Asad po kërkon me ngulm të marrë kontrollin mbi këtë provincë.
Liderët e Turqisë, Rusisë dhe Iranit gjatë një takimi në Ankara, ranë dakord në shtator për të ulur shkallën e konfliktit në Idlib pas disa muajve fushate e cila detyroi rreth 500,000 civilë të ikin nga shtëpitë e tyre, megjithatë pakti nisi të zbatohej me vonesë.
Zëdhënësi i presidencës turke, Ibrahim Kalin tha të martën se Rusia se do të punojë për të ndalur sulmet në Idlib, pas bisedimeve me delegacionin turk në Moskë.
Komente
Eshte koha te denohet me burg, dhe i biri me varje.
Përgjigju