Kiev- Moskë/ Një sulm masiv me dron ukrainas ka goditur rajonin e Lipetsk në Rusi. Të paktën 9 persona u plagosën, ndërsa sulmi ka synuar një aeroport ushtarak pranë qytetit. Autoritetet ruse kanë shpallur gjendjen e jashtëzakonshme në rajonin jugperëndimore të Lipetsk, ndërsa katër fshatra pranë aeroportit ushtarak u evakuuan.
Transporti publik në Lipetsk dhe zonën përreth u pezullua dhe u raportuan ndërprerje të energjisë për shkak të dëmtimit të një termocentrali. Baza ajrore ushtarake ndodhet afërsisht 280 kilometra nga kufiri ukrainas. Paralajmërimet për sulm ajror u lëshuan gjithashtu në zonat përreth Kursk, Bryansk, Belgorod dhe Voronezh. Autoritetet ruse raportuan se të paktën 75 dronë u kapën.
Ndërkohë që vazhdojnë sulmet në zona të tjera. Sipas disa videove të publikuara në rrjetet sociale nga blogerët dhe gazetarët, një kolonë ruse u shkatërrua një natë më parë nga një sulm ukrainas në qytetin rus të Rylsk në rajonin e Kurskut. Ndërsa po në të njëjtin rajon një dron ukrainas goditi një tjetër helikopter ushtarak rus.
Ndërkohë rusët kanë goditur një supermarket në Kostyantynivka, në rajonin e Donetskut. Mësohet se 14 persona kanë vdekur deri tani.Autoritetet ukrainase kanë kërkuar evakuimin e 20 mijë qytetarëve në kufi me Rusinë.
Kalimi në kufi i trupave ukrainasve të mërkurën në rajonin e Kursk shënoi inkursionin e parë të këtij lloji nga Ukraina dhe ushtroi presion mbi Moskën në një zonë kryesisht të patrazuar nga më shumë se dy vjet luftë.
Të enjten, presidenti ukrainas Volodymyr Zelensky e pranoi ofensivën për herë të parë, duke thënë se Moska duhet të "ndiejë" pasojat e pushtimit brutal të Ukrainës. Ndërsa inkursionet ukrainase janë mbështetur nga Perëndimi që i konsideron legjitime, ndërsa Rusia ka kërcënuar se kjo situata do të bëjë që ushtria ruse t’i shtyjë forcat e saja edhe më thellë në territorin ukrainas, kaluar edhe Kievin.
Zëdhënësi i Punëve të Jashtme të Bashkimit Evropian, Peter Stanno, tha të mërkurën se Ukraina "ka të drejtën ligjore për të mbrojtur veten, duke përfshirë goditjen e një agresori në territorin e saj", ndërsa zëdhënësi i Departamentit të Shtetit të SHBA-së, Mattheë Miller, tha se është Ukraina ajo që i vendos taktikat e saj.
Shtetet e Bashkuara do të dërgojnë një paketë të re ndihme ushtarake prej 125 milionë dollarësh në Ukrainë. Këtë e ka bërë të ditur zëdhënësi i Këshillit të Sigurisë Kombëtare, John Kirby, duke nënvizuar se ky është kësti i 63-të i ndihmës për Kievin nga Uashingtoni.
Paketa do të përmbajë raketa Stinger dhe municion artilerie 155 mm dhe 105 mm.
Foto: Banorwt e evakuzuar nga rajoni Sumy
Në rajonin Sumy, për shkak të bombardimeve ruse, rreth 20,000 njerëz duhet të evakuohen nga një zonë dhjetë kilometra që bie brenda zonës së zjarrit.
Këtë e ka bërë të ditur Policia Kombëtare e Ukrainës në Facebook. Gjatë një takimi të rregullt të Këshillit të Mbrojtjes së Rajonit Sumy, u vendos që të evakuohet detyrimisht popullsia nga 28 vendbanime në shtatë bashkësi territoriale të bashkuara të rajonit Sumy, transmeton agjencia Ukrinform.
Shpëtimtarët, përfaqësuesit e komunitetit, administratat ushtarake dhe zyrtarët e zbatimit të ligjit janë të përfshirë në evakuim. Oficerët e policisë po shoqërojnë autokolonat e evakuimit, po sigurojnë rendin dhe rendin në pikat e para-montimit dhe po ndihmojnë qytetarët.
Rusët kryen një sulm terrorist në një supermarket në Kostyantynivka, rajoni Donetsk, i cili zakonisht ka shumë vizitorë. Këtë e kanë raportuar mediat ukrainase.
Sipas informacioneve të fundit, pas sulmit në qytet ka pasur të vdekur dhe pothuajse dy duzina të plagosur, raporton UNIAN. “2 të vdekur dhe 17 të plagosur: këto janë të dhëna operacionale për sulmin në Kostyantynivka në orën 12:40”, tha kreu i administratës shtetërore rajonale të Donetsk, Vadym Filashkin.
Zyra e Presidencës së Ukrainës tashmë ka reaguar. "Sulmi në supermarketin Kostyantynivka është një tjetër terror i rusëve. Lufta kundër civilëve është gjithçka që ata dinë të bëjnë. Rusia duhet të dënohet plotësisht për gjithçka që bën," shkroi kreu i zyrës në Telegramin e Presidentit Andriy Yermak.
Një kolonë ruse e shkatërruar në Rylsk, në Kursk.
Sipas disa videove të publikuara në rrjete sociale nga blogerë dhe gazetarë, një kolonë ruse u shkatërrua mbrëmë nga një sulm ukrainas në qytetin rus të Rylsk, në rajonin e Kurskut.
Ishte një sulm me raketëhedhëse HIMRS
