KOLONJË- 4 aplinistë janë shpëtuar pas disa orësh pasi mbetën të bllokuar në malin e Gramozit për shkak të kushteve të vështira atmosferike.
Burime zyrtare bëjnë me dije për Report Tv se ndihma nuk është kërkuar nga vetë alpinistët, por nga një qytetar i cili pasi kishte parë se alpinistët kishin lënë mjetin e tyre tip "Ford", në fshatin Starje dhe ishte në dijeni për ngjitjen e tyre në mal.
Pas disa orë kërkimesh, u bë i mundur lokalizimi dhe gjetja në gjendje të mirë shëndetësore e 4 alpinistëve, të cilët ishin ngjitur në majën e quajtur "Çuka e Peçit" në lartësinë 2523 m, të malit të Gramozit dhe më pas për shkak të kushteve të vështira atmosferike, kishin hasur vështirësi gjatë kthimit.
Për shpëtimin e tyre kanë dhënë ndihmë edhe banorët e zonës. Më pas, mësohet se 4 alpinistët u akomoduan në qytetin e Ersekës.
Makina e alpinistëve
Komente
