Greqia është përfshirë nga një mot i keq me reshje shiu tejet të dendura, duke shkaktuar përmbytje të mëdha në disa zona e ishuj.
Kreu i komunitetit shqiptar në ishullin grek Mitilini, Elban Dervishbehaj, ishte i ftuar në “Sot Live në Shqipëri” me Nertil Agalliun në Report Tv, për të përshkruar në mënyrë më të detajuar situatën në Greqi.
Dervishbehaj renditi ishujt më të prekur nga moti i keq, duke shtuar se në disa prej tyre është i pamundur zhvillimi i mësimit në shkolla apo zhvillimi i punës nga institucione të tjera.
“Janë zona më të prekura në Kikladhes, janë në ishullin e Paros dhe Mykono, disa ishuj që janë afër Rodosit dhe disa ishuj të tjerë të vegjël. Ato jaë zonat më të prekura, por fatkeqësia më e madhe ka ndodhur në ishullin e Faros, ku situate është shumë kritike. Reshjet vazhdojnë akoma nga informacionet që kemi nga televizionet. Ishulli që quhet Lesbos, ka reshje që ka filluar që nga dje, nuk ka probleme serioze siç janë këto ishuj”,- tha Dervishbehaj.
“Të gjitha informacionet që kemi nga ishujt që folëm pak më lart, vazhdojnë akoma të jenë kritike. Sot mesa kemi marrë vesh të gjitha shkollat, çerdhet dhe të gjitha institucionet janë të gjitha të bllokuara. Në ishullin e Paros ishte e bllokuar dhe vazhdon të jetë i bllokuar aeroporti i saj”-shtoi ai.
“Dy ishujt që janë prekur më tepër, Paros dhe Mikono. Llogaritja e dëmeve do të dojë javë për t’u vlerësuar”,- tha më tej.
Dervishbehaj tha për Report Tv se moti i keq mund të dëmtojë rëndë sezonin turistik në Greqi, i vili ka nisur pak ditë që është hapur.
“Përpara 2-3 ditësh u hap në shkallë vendi sezoni turistik. Është një goditje e madhe për turizmin. Vazhdimi i reshjeve në Paros dhe Mykono do të jetë përshkallëzim i kësaj goditje turistike (pas tërmetit në Santorini)”,- tha ai.
Komente
