Vala e motit të keq që ka kapluar Europën, që nga dita e djeshme ka goditur edhe Italinë.
Në 14 rajone autoritetet kanë ’ndezur’ alarmin portokalli.
Këtë mëngjes Venecia është zgjuar e trembur nga rikthimi i ditëve të përmbytjeve apokaliptike, teksa lartësia e ujit nisi të kap shifrën e 120 centimatrave dhe deri në mesditë arriti në kuotën e 135 cm.
Moti i keq, me shira, erëra të forta dhe brigje të rrëmbyera nga stuhia ka prekur Basilicatën, Campanian, Emilia Romagna, Friuli Venezia Giulia, Lazio, Liguria, Lombardia, Molise, Sardenja, Toscana dhe Umbria.
Nga moti I keq, në Kordenons, province e Pordenones, prej rrëshqitjeve të dheut gjeti vdekjen një person.
Stuhia Elsa, me erëra të forta dhe reshje shiu të dendura, ka goditur edhe disa pjesë të tjera të Europës duke i marrë jetën katër personave në Spanjë dhe Portugali.
Elsa gjithashtu ka krijuar probleme të shumta në Britaninë e Madhe dhe Francë.
Komente
