Nënkryetari i bashkisë së Tropojës, Kujtim Rexhaj ka dhënë detaje mbi situatën e krijuar në njësinë administrative Bytyq, ku tha se si pasojë e reshjeve të shumta gjatë gjithë natës, ka pasur dëme të mëdha.
Reshjet me intensitet të lartë kanë bërë që rezervuari i Vladit të dalë nga diga dhe për pasojë janë evakuuar disa banorë. Raportohen dëme në ura dhe rrugë.
“Jemi tek rezervuari i Vladit dhe po inspektojmë situatën e krijuar nga reshjet. Dëmet janë shumë të mëdha sidomos në njësinë administrative të Bytyqit. Rezervuari ka dalë mbrëmë nga diga dhe janë marrë masa që njerëzit të evakuohen. Ka pasur dëme në rrugë dhe ura. Komisioni po merret me vlerësimin e dëmeve të cilat fatmirësisht kanë qenë vetëm materiale dhe jo në njerëz”- u shpreh Rexhaj.
Lajmi kryesor:
Vërshimi i përrenjve nga reshjet e shiut, dëmtohen rrugët në Kukës e Dibër! Në Tropojë rezervuari del nga diga, evakuohen banorët
B.V//ReportTv.al