Qarku i Kukësit vazhdon të jetë i përfshirë nga reshje shiu e sidomos në Bashkinë e Tropojës me intensitet të lartë të shoqëruara dhe me erëra të forta.
Si pasojë e kësaj situate të motit akset rrugore nacionale vazhdojnë të jenë në trusninë e rënies sē gurëve e dherave.
Nga Firmat Kontraktore është ndërhyrë me kapacitetet me mjete e forca, aktualisht të gjitha akset rrugore nacionale janë të qarkullueshme.
Si pasojë e reshjeve të rëna ka pasur dëme në akset rrugore bashkiake e sidomos në akset rrugore rurale të Tropojës së vjetër. Në këtë rajon për gjatë rrugës së Sylbicës është dëmtuar Ujësjellësi i Tropojës e për pasojë është ndërprerë furnizimi me ujë i popullatës.
Probleme ka dhe në aksin rrugor Dushaj-Lekbiba. Nga ana e Bashkisë po punohet me forca e mjete për normalizimin e gjendjes.
Problematike mbetet rruga Kukës-Shishtaves, e cila është ende pa kontratë.
Komente
