Lezhë- Moti i keq është rikthyer përsëri mbrëmjen e sotme në zonën verilindore të vendit.
Reshje të dendura shiu në zonën e Zadrimës në Lezhë, duke shkaktuar edhe përmbytje në disa zona rurale.
Raportohet se vërshimi i përrenjve malorë ka sjellë probleme në fshatin Fishtë, duke bllokuar rrugën. Niveli i ujit ka arritur në disa centimetra, ndërsa në rrezik janë edhe disa banesa. Për pasojë është përmbytur aksi rrugor, po ashtu është dëmtuar një urë.
Uji ka përmbytur disa prej tyre raportohet nga terreni, teksa edhe një familje është evakuuar në kohë. Grupet operacionale të emergjencave janë në terren dhe po punojnë për përballimin e situatës, teksa reshjet kanë pushuar në orët e vona.
Lajmi kryesor:
Shkodër/ Rrugët e mbushura me ujë nga reshjet, pas disa orësh rikthehet normaliteti! Parashikimi për 3 ditët e ardhshme, Beci: Edhe nesër shi
A.Q/ReportTv.al
