Mozaiku i Bazilikës Paleokristiane në fshatin Lin, Pogradec tani më është i hapur për të gjithë vizitorët që adhurojnë historinë e artin.
Kryemiminstri Edi Rama përmes një postimi të shpërndarë në rrjetet sociale, e cilëson këtë mozaik një thesar të çmuar të trashëgimisë sonë kulturore.
“Mirëmëngjes dhe me mozaikun e Bazilikës Paleokristiane në fshatin e mrekullueshëm të Linit, tashmë i hapur për vizitorët, një tjetër thesar i çmuar i trashëgimisë sonë kulturore që sjell në dritë lashtësinë, artin dhe historinë e kësaj zone magjepsëse, ju uroj një ditë të mbarë”, shkroi Rama në Facebook.
Bazilika Paleokristiane e Linit u shpall Monument Kulture, Kategoria I, më 10 qershor të vitit 1973. Ajo daton prej shekullit V-VI pas Krishtit.
Bazilika paleokristiane e Linit, së bashku me mozaikët që ndodhen në të, gjendet në majën e kodrës së Shën Thanasit, që përbën gadishullin e Linit. Ajo u zbulua për herë të parë në vitin 1967 gjatë një ekspedite hulumtuese të punonjësve të muzeut lokal të Pogradecit.
Komente
