Pas një trajtimi 13 mujor në spital, ka arritur të shkojë në shtëpi në gjendje të mirë shëndetësore foshnja Kwek Yu Xuan e cila mendohet se është "foshnja më e vogël e botës".
Sipas BBC foshnja e quajtur Kwek Yu Xuan ishte 212 gramë kur lindi në Singapor dhe me një gjatësi 24 centimetra.
Foshnja e cila lindi në javën e 25-të në peshën e një molle, doli nga spitali pas një trajtimi në kujdesin intensiv për një periudhë 13 mujore.
Nëna e Yu Xuan u fut në lindje emergjente cezeriane për shkak të tensionit të lartë i cili mund të ishte vdekjeprurës edhe për nënën edhe për foshnjën me dëmtimin e organeve jetësore.
Bëhet e ditur se foshnja pas trajtimit në spital ka arritur shëndetin e saj duke arritur në 6,3 kg.
Komento
