Dy lojtarët e kombëtares shqiptare, Ernest Muçi dhe Arlind Ajeti janë përzgjedhur në formacionin e javës se tetë në Superligën turke nga faqja 'Sofascore'. Veç tyre, edhe Kumbulla është mes më të mirëve në La Liga, me mbrojtësin që gjeti golin e parë me Espanyol.
Muçi është aktivizuar për 87 minuta me fanellën e Besiktas në barazimin 1-1 në transfertë përballë Gaziantep, duke qënë një nga më të mirët në fushën e lojës për skuadrën e tij.
Ndërsa Ajeti ka luajtur si titullar për Bodrumspor në sfidën që skuadra e tij barazoi 0-0 përballë Kasimpasa.
Marash Kumbulla është bërë pjesë e më të mirëve të javës së nëntë në La Liga. 'Sofascore' e përfshiu në formacionin ideal pas golit dhe paraqitjes së bërë me Espanyol në fitoren 2-1 ndaj Mallorca.
Mbrojtësi i Kombëtares është titullar i padiskutueshëm tek ekipi katalanas ku u huazua për këtë sezon nga Roma.
