Në kuadër të 16 ditëve të aktivizimit të dhunës me bazë gjinore, artistët në bashkëpunim me Bash Art dhe qeverinë gjermane dhe GIZZ kanë realizuar në qendër të qytetit të Cërrikut muralen domethënëse të forcës së gruas dhe vijimësisë së jetës.
Kjo murale u realizua për ti thënë jo dhunës dhe për të forcuar dhe sensibilizuar gratë. Me moton "Dhunë off, power on" në qendër të Cërrikut u zbulua muralja nga Kryetari i Bashkisë Cërrik.
“Pjesa e murale është një ide, kemi zgjedhur qendrën e qytetit. Kemi menduar se jep një impakt, një mesazh sensibilizuar kundër dhunës së gruas”, tha ai.
Kryetari i Bashkisë së Cërrikut Andis Salla falënderoi artistët dhe Qeverinë Gjermane për këtë realizim domethënës.
Iniciativa e muraleve sensibilizuese kundër dhunës është përhapur në disa qytete të Shqipërisë për të qenë një simbol për fuqinë dhe rëndësinë e gruas.
