Gramsh- Tre ditë pasi u identifikua dhe u shpall në kërkim për një seri bastisjesh të objekteve të kultit në zonën e Gramshit, ku vidhte paratë që dhuronin besimtarët nga arkat e tyrbeve dhe teqeve, është lokalizuar dhe prangosur në Pikën Kufitare të Muriqanit në Shkodër 35-vjeçari i dyshuar nga Cërriku.
Ai ishte duke u kthyer nga Mali i Zi për të hyrë në Shqipëri, vetëm tre ditë pasi ishte shpallur në kërkim.
“Shërbimet e Komisariatit të Policisë Gramsh, të mbështetura nga informacionet operative për një shtetas të shpallur në kërkim që do të hynte në territorin e Shqipërisë dhe si rezultat i bashkëpunimit me policinë kufitare Muriqan, u bë e mundur ndalimi i të kërkuarit S. T., 35 vjeç, banues në Cërrik”, bënë me dije burime zyrtare.
Ai u shpall në kërkim më 27 gusht nga Komisariati i Policisë Gramsh, pasi dyshohet autor i dy rasteve të vjedhjes të një shume prej 70 mijë lekësh.
Burime zyrtare thanë se më datë 20 gusht ka vjedhur në tyrben e fshatit Grabovë e Poshtme dhe më datë 27 gusht ka vjedhur në teqenë e fshatit Dushk.
“Vijojnë veprimet hetimore për zbardhjen vjedhjeve të tjera të mundshme, ku të jetë implikuar 35-vjeçari”, tha policia vendore.
Materialet procedurale iu referuan Prokurorisë Elbasan, për veprime të mëtejshme.
Komente
kapni nje qyqar qe vjedh per buken e gojes...kurse ministrat dhe kryeministrin qe vjedh miliona euro i lini jashte....keta jeni ju....
Përgjigju