Musaka me groshë
Përbërësit:
- 500 gr groshë
- 200 gr djathë kaçkavall / djathë i bardhë
- 5 kokrra vezë
- 4 lgj gjalpë ose ajkë
- Kripë, piper
Përgatitja:
Pasi e kemi pastruar dhe lënë groshën në ujë e vendosim të ziejë. Lëngun e parë e derdhim dhe e vendosim sërish të ziejë duke u kujdesur që kokrrat të qëndrojnë të plota, mos shpërbëhen.
Më pas kullojmë lëngun. Vendosim në një tavë shtresën e parë të groshëve, vendosim vezët e ziera të prera në feta dhe sipër shtojmë djathë kaçkavall ose të bardhë të thërrmuar. Shtrojmë shtresën e dytë me groshë dhe vezë të rrahura me pak qumësht, ajkë ose gjalpë. E vendosim tavën në furrë të piqet në temperaturën 200 gradë Celsius për 30 minuta.
Komento
