Përhapja e mutacionit të ri të COVID-19, ka shkaktuar shqetësim të madh tek ekspertët e shëndetësisë, kjo për shkallën e lartë të transmetueshmërisë së virusit. Ekspertët e shëndetësisë besojnë se virusi i ri është deri në 70% më i transmetueshëm se versioni fillestar.Por ekspertët nuk ngurojnë të theksojnë se mutacioni i virusit është normal, por ky mutacion i ri është ndjeshëm më infektues.
Sa shpejt po përhapet virusi?
Mutacioni i ri është zbuluar për herë të parë në shtator. Në nëntor, rreth një e katërta e rasteve në Londër ishin pikërisht të këtij varianti dhe në mes të dhjetorit gati dy të tretat e rasteve. Duke marrë shkas nga të dhënat matematikore, Kryeministri Boris Johnson deklaroi se varianti ri mund të jetë deri në 70% më i transmetueshëm.4. Për herë të parë këro të dhëna u bënë publike nga Dr Erik Volz, nga Imperial College London.
Gjatë fjalimit ai tha: "është me të vërtetë shumë herët për të thënë ... por nga ajo që ne shohim deri më tani është se ai po përhapet shumë shpejt, më shpejt sesa varianti i mëparshëm, por është e rëndësishme të mbash një sy kjo ". Shkencëtarët, puna e të cilëve nuk është ende publike, kanë thënë shifra shumë më të larta dhe shumë më të ulëta se 70%.
Deri në çfarë shkalle është përhapur?
Mendohet se varianti ose u shfaq në një pacient në Mbretërinë e Bashkuar ose ka ardhur nga një vend me një aftësi më të ulët për të monitoruar mutacionet e koronavirusit. Mutacioni i qi mund të gjendet në të gjithë Mbretërinë e Bashkuar, por është shumë i përqendruar në Londër, Jug-Lindje dhe Angli Lindore.
Të dhënat nga Nextstrain, i cili ka monitoruar kodet gjenetike të mostrave virale në të gjithë botën, tregojnë se rastet në Danimarkë dhe Australi kanë ardhur nga Mbretëria e Bashkuar. Holanda gjithashtu ka raportuar raste. Një variant i ngjashëm që është shfaqur në Afrikën e Jugut ka ngjashmëri me mutacionin, por duket se nuk ka lidhje me këtë.
A ka ndodhur një gjë e ngjashme më parë?
Po. Virusi që u zbulua për herë të parë në Wuhan, Kinë nuk është i njëjti që do të gjeni në shumicën e cepave të botës. Mutacioni D614G u shfaq në Evropë në shkurt dhe u bë forma mbizotëruese e virusit. Një tjetër, i quajtur A222V, u përhap në të gjithë Evropën , kryesisht në pushimet verore.
Çfarë dimë për mutacionet e reja?
Një analizë fillestare e mutacionit të ri është botuar dhe identifikon 17 ndryshime potencialisht të rëndësishme. Ka pasur ndryshime në proteinën spike - ky është çelësi që virusi përdor për të mundësuar hyrjen e qelizave të trupit tonë. Një mutacion i quajtur N501Y ndryshon pjesën më të rëndësishme të tij të njohur si "fusha e lidhjes së receptorëve". Kjo është pika ku virusin krijon kontaktin e parë me sipërfaqen e qelizave të trupit tonë. Çdo ndryshim që e bën më të lehtë hyrjen brenda të virusit ka të ngjarë t'i japë asaj avantazh.
Mutacioni tjetër H69 / V70, është shfaqur disa herë më parë, madje edhe në vizon të infektuar. Prof Ravi Gupta në Universitetin e Kembrixhit ka sugjeruar që ky mutacion rrit infektivitetin dyfish në eksperimentet laboratorike.
Prof Gupta tha: "Ajo po përhapet me shpejtësi, kjo është ajo që shqetëson qeverinë, ne jemi të shqetësuar, shumica e shkencëtarëve janë të shqetësuar."
Nga ka ardhur?
Varianti i ri ka një shkallë të lartë mutacioni. Shpjegimi më i mundshëm është se varianti i ri është shfaqur në një pacient me një sistem imunitar të dobësuar i cili nuk ishte në gjendje të mposhtte virusin. Në vend të saj, trupi i tyre u bë një terren shumimi për virusin që të shndërrohej.
A e bën kjo COVID-19 më vdekjeprurës?
Nuk ka asnjë provë që sugjeron se po, edhe pse kjo do të duhet të monitorohet. Megjithatë rritja e transmetimit do të ishte e mjaftueshme për të shkaktuar tejmbushje të spitaleve.
A do të funksionojnë vaksinat kundër variantit të ri?
Me shumë mundësi që po, por ende nuk mund të thuhet me siguri.
Të tre vaksinat kryesore ndihmojnë në krijimin e një përgjigje imunitare ndaj virusit dominues, por për versionin e ri ka ende shumë pikëpyetje.
Vaksinat trajnojnë sistemin imunitar për të sulmuar disa pjesë të virusit, kështu që edhe pse një pjesë ka ndryshuar, ato duhet të funksionojnë ende. Ky mund të jetë elementi më shqetësues i asaj që po ndodh. Ky variant tregon se virusi po vazhdon të përshtatet pasi infekton gjithnjë e më shumë prej nesh. Kjo do të na vinte në një pozitë të ngjashme me gripin, ku vaksinat duhet të azhurnohen rregullisht. Për fat të mirë, vaksinat që kemi janë shumë të lehta për tu rregulluar.
