Ministrja e Shtetit për Rininë dhe Fëmijët, Bora Muzhaqi, e shoqëruar nga Kryetarja e Kuvendit, Lindita Nikolla dhe Kryetari i Bashkisë Kamëz, Rakip Suli morën pjesë në inaugurimin e bibliotekës së re dhe qendrës rinore në Kamëz, të rikonstruktuara këto të fundit me mbështetjen financiare të Agjencisë Kombëtare të Rinisë.
Gjatë vizitës, në bibliotekën e re të qytetit me mbi 1000 libra, u zhvillua edhe një bashkëbisedim me disa nga të rinjtë e qytetit Kamëz mbi rëndësinë e bibliotekës për qytetin, si edhe hapësirave rinore ku të rinjtë mund të realizojnë aktivitete që rrisin përfshirjen në jetën sociale, por edhe ndikojnë në zhvillim personal të tyre.
Inaugurimi vijoi më tej në qendrën rinore, ku fëmijë dhe të rinj kishin filluar tashmë ekspozitën e tyre të parë të pikturave.
Komente
I Dashur lexues ne shqip inaugurohet=perurohet. Faleminderit!
Përgjigju