Nis trajnimi i organizatave rinore për rritjen e kapaciteteve në përthithjen e fondeve nga donatorët. Bora Muzhaqi në cilësinë e Ministrit të Shtetit për Rininë dhe Fëmijët përshëndeti nisjen e këtij trajnimi dy ditor në kuadër të Programit Europian Erasmus+ me përfaqësues nga rreth 40 organizata rinore dhe për të rinjtë.
Sipas ministres Muzhaqi “Qëllimi ynë është të kontribuojmë në rritjen e financimeve të jashtme në shërbim të të rinjve në vendin tonë” duke vijuar se pjesë e qëllimit është edhe të inkurajojnë pjesëmarrjen aktive të të rinjve në projektet dhe inicativat e Bashkimit Evropian.
Fjalën e saj përshëndetëse, ministrja Muzhaqi e mbylli me një falenderim për organizatat e shoqërisë civile.
“Mirënjohëse për mbështetjen dhe angazhimin e organizatave të shoqërisë civile në këtë rrugëtim për zhvillimin dhe avancimin e të rinjve në shoqërinë tonë” ishte falenderimi i ministres Bora Muzhaqi për përfaqësuesit e rreth 40 organizatave rinore dhe për të rinjtë të cilët iu bashkuan trajnimit dy ditor.
